----------------------------------------
Storie  Vere  e  Fantastiche dell'Isola  di  Sardegna
I  Racconti  di  mia  Nonna  "Maria  Grazia  Correddu" di  Ozieri
-----------------------------------------
" B A B B O S C H U "

  Baiada  una  orta  un'ierru  malu  ma  gai  malu  chi  tottu  sos  animalese  fini  molzende  dai
su  frittu  e  dai  su  famine.
In  domo  de  Babboschu  invece bi  fidi  su 
fumajolu  chi  fidi  fumende  a  tott'andare
e  cussu  cheriada  narrere  chi  intro  'e
domo  bi  deviada  essere  caldu  e  cosa 
'e  manigare.
  Tottu  sos  animalese  s'acculzieni  a  sa 
domo  de  Babboschu  isperende  chi
sesserede  appenadu  de  issoso  e  los 
aerede  fattoso  intrare  a   domo 
assumancu  pro  s'iscaldire.
  Nisciunu  de  sos  animalese  però  aiada 
coraggiu  de  zoccare  sa  janna  e  tando
unu  porcabru,  piusu  coraggiosu  de  sos
atteroso,  s'acculzieidi  e  frigheidi  sa  janna
cun  su  muzzighile
  Babboschu  abbelzeidi  sa  janna  e  neidi  chi
chie  cheriada  podiada  intrare  pro  s'iscaldire  ca
sa  domo  sua  fidi  manna  e  bi  podiana  istare
tottu.
  Sos  animalese  intreini  subitu  chena  timire  e
si  frimmeini  acculzu  a  su  fogu.
  Ma  appena  che  fini  intradoso  tottusu,
Babboschu  tancheidi  bene  sa  janna  e  sos
balconese  nende  chi  sinono  che  podiada
'essire  su  caldu.
  Tando  andeidi  a  giamare  sa  muzzere,  chi  si
naraiada  Maffusa,  e  sos  fizzoso  chi  tottu
cuntentoso  si  prepareini  pro  si  faghere 
faghere  una  manigada  manna.



 
 Maffusa  ne  ogheidi  a  pizzu  su  "Furru  Francu"
ca  naraiada  chi  coghendela  cun  fogu  sutta  e 
fogu  subra,  sa  petta  essiada  piusu  modde  e
piusu  saborida.
  Lu  prepareidi  bene  ponzendebi  su  fogu  e
cando  fidi  bene  caldu  andeidi  umpare  cun
sos  fizzoso  in  s'apposentu  inue  fidi  Babboschu
cun  sos  animalese.
  Pro  no  los  assucconare  Babboschu  cominzeidi
a  nàrrere  chi  meda  zente  si  fidi  lamentada  ca
certoso  animalese  daiana  ifestu  e  faghiana
finasa  meda  dannoso.
          
   

 
  

Tando  leidi  in manoso  una  turture  e  incominzeidi
a  narrere <<e  boisi  comare  turture  chi  istadese
tottu  s'istiu, a  sa  punta  'e  su  sole,  abboghinende  truu....truuu.... truuuu.. isfadende  tottu  sos  chi  trabagliana  in  campagna  chena  los  lassare  riposare  mancu  un'iscutta  no  lu  devidese  faghere  piusu !!>> e  a  cussu  puntu   Babboschu  neidi  sa  cundenna
<<matta  e  pese  a  piseddoso  e  conca  a  Maffusa 
e  su  dossittu  meu  a  intro !!>>  e  subitu  siche
ingulleidi  tott'intrea  sa  turture.
  Sa  mantessi  cosa  fatteidi  guasi  subitu  cun
d'unu  cuccu  e  poi  chi  sicc'aiada  ingullidu  su  cuccu
leidi  in  manu  una  corroncia.



 

  Ma  sa  cosa  non  andeidi  a  geniu  a  Maffusa
chi  aiada  cumpresu  chi  Babboschu  si  che
cheriada  manigare  tottu  sos  animalese  senza
faghere  parte  a  cumpagnoso  e  tando  leidi
dai  su  fogu  unu  tittone  azzesu  e  cando
Babboschu  abbelzeidi  sa  ucca  pro  ch'ingullire 
sa  corroncia  che  l'intreidi  finasa  a  fundu  de
sa  ula  su  tittone  'e  fogu.
  Babboschu,  dai  su  dolore,   si  ponzeidi  subitu 
a  calchidare  e  a  brinccare  comente  un'ainu  muscadu  abboghinende  e  currende  in  totta 
sa  domo.




 

  Non  resessende  a  acciappare  mancu  unu  buttiu
de  abba  intro  de  domo  pro  li  podere  passare  su  brujore,  Babboschu  subitu  ibambarrieidi  sa  janna, besseidi  a  fora  e  sicch'etteidi  a  bucca  a  terra  in  mesu  a  su  nie.
  Dai  sa  janna  abelta  però  tottu  sos  animalese
siche  fuèini  in  presse  lassende  a  Babboschu,  a
Maffusa  e  a  sos  fizzoso  piusu  famidoso  de
prima. 

.......pira  cotta  e  pira  crua  ognunu  a  domo  sua.
 
                                                (Ozieri  anni  30 / 40  del  1900)

............................................................  

(Italiano)

"BABBOSCHU"
(Babbo  Orco)

  C'era  una  volta  un  inverno  brutto  ma  così  brutto  che  tutti  gli  animali  stavano 
morendo   dal  freddo  e  dalla  fame.
    In  casa  di  Babboschu  invece  c'era  il 
  comignolo  che  stava  fumando  moltissimo
  e  quello  voleva  dire  che  dentro  casa 
  doveva  esserci  caldo  e  qualcosa  da 
  mangiare.
    Tutti  gli  animali  si  avvicinarono  alla  casa  di
  Babboschu  sperando  che  avesse  pena  di  loro 
  e  li  facesse  entrare  a  casa  almeno  per 
 scaldarsi.
    Nessuno  degli  animali  però  aveva  il  coraggio
  di  bussare  alla  porta  e  allora  un  cinghiale,  più
  coraggioso  degli  altri,  s'avvicinò  e  sfregò  la
la  porta  col  muso.
  Babboschu  aprì  la  porta  e  disse  che  chi  voleva  poteva
entrare  per   scaldarsi  perché  la  sua  casa  era  grande  e
potevano  starci  tutti.
  Gli  animali  entrarono  subito  senza  temere  e  si  fermarono
vicino  al  fuoco.
  Ma  appena  entrarono  tutti  Babboschu  chiuse  bene
la  porta  e  le  finestre  dicendo  che  altrimenti  poteva 
uscire  il  caldo.
  Allora  andò  a  chiamare  la  moglie,  che  si  chiamava 
Maffusa,  e  i  figli  che  tutti  contenti  si  prepararono  per
farsi  una  grande  mangiata.
 
    Maffusa  tirò  fuori  il  "Forno  Franco" ("forno  libero" 
perché   esente  da  tasse)  perché  diceva  che  cucinandola 
col  fuoco  sotto  e  fuoco  sopra  la  carne  diventava  più
  morbida  e  più  saporita.
    Lo  preparò  bene  mettendoci  il  fuoco  e  quando 
  era  ben  caldo  andò  assieme  ai  figli  nella  camera 
  dove  era  Babboschu  con  gli  animali.
    Per  non  spaventarli  Babboschu  cominciò  a  dire
  che  molta  gente  si  era  lamentata  perché  certi
  animali  davano  fastidio  e  facevano  anche  molti
  danni.
    

  

  Allora  prese  in  mano  una  tortora   e  cominciò  a  dire 
<<e  voi  comare  tortora  che  state  tutta  l'estate,  quando
il  sole  è  più  alto,  gridando  truu....truuu......truuuu.....
infastidendo  tutti  quelli  che  lavorano  in  campagna  senza
lasciarli  riposare  neanche  un  momento,  non  dovete  farlo
più !!>>  e  a  quel  punto  Babboschu  pronunciò  la
condanna  <<pancia  e  piedi  ai  bambini  e  la  testa  a
Maffusa  e  il  dorso  mio  dentro !!>>  e  subito  si  inghiottì
tutta  intera  la  tortora.
  La  stessa  cosa  fece  quasi  subito  con  un  cuculo  e  dopo
aver   inghiottito  il  cuculo  prese  in  mano  una  cornacchia.


    
                                                                                     
  
Ma  la  cosa  non  andò  a  genio  a  Maffusa  che  aveva
capito  che  Babboschu   voleva  mangiarsi  tutti  gli  animali
senza  spartirli  con  gli  altri  e  allora  prese  dal  fuoco 
un  tizzone  acceso  e  quando  Babboschu  aprì  la  bocca
per  inghiottirsi  la  cornacchia  gli  infilò  in  fondo  alla
gola  il  tizzone  acceso.
  Babboschu  dal  dolore  si  mise  subito  a  scalciare  e  a
saltare  come  un  asino  imbizzarrito  (muscadu = punto 
dalla  moscha  cavallina)  gridando  e  correndo  in  tutta 
la  casa. 


  
  Non  riuscendo  a  trovare  neanche  una  goccia  d'acqua
dentro  casa  per  farsi  passare  il  bruciore,  Babboschu
subito  spalancò  la  porta  e, uscito  fuori,   si  buttò  a 
bocca  a  terra  in  mezzo  alla  neve.
  Dalla  porta  aperta  però  tutti  gli  animali  fuggirono  in
fretta  lasciando  a  Babboschu,  a  Maffusa  ed  ai  figli  più
affamati  di  prima.

    .............pera  cotta  e  pera  cruda  ognuno  a  casa  sua.